Ray's profile卓顧問 (個人天地)PhotosBlogListsMore  |  Tools Help |
|
June 25 貪婪獨自享用午茶之餘, 無僧看了一則寓言故事 <魔鬼與農夫> , 很想用來提醒自己要滿足, 要警醒! 但 iPhone 3GS ....... 小魔鬼說：「我只不過是讓他擁有比他需要的更多而已，這樣就可以引發他人性中的貪婪。」 PS> 貪婪指一種攫取遠超過自身需求的金錢、物質財富或肉體滿足的慾望。貪婪的個體往往被視為對社會有害的，因為他們的動機常忽視其他人的福利（經濟學的解釋，假定市場經濟是零和博弈）。然而，貪婪漸漸為西方文化所接受，因為獲取財富的慾望被認為是資本主義的重要組成部分。貪婪被列為天主教的七宗罪之一。如果貪婪被引申用來指對飲食的過分消費，即暴食，同樣被列為天主教的七宗罪之一。 佛教徒相信，貪婪是基於將物質財富與快樂錯誤地聯繫在一起所致。這種錯誤是由於被某一事物積極方面誇大的印象所迷惑引起的。 June 23 自私的基因1995年初版, 2009年5月才第二版, 相隔了14年, 其中的原因可能正如作者在再版序內所說的「十分弔詭, 不太簡單」, 顧問今天看了十份之一後確信這是一本頗偏激的異端作品, 佛家說我們的肉身只是一個臭皮囊, 而心是會輪迴而永存. 的但作者 Richard Dawkins 更嚴苛的指出人類只是其中一類求生機器而矣.... ..這種震撼吸引了我繼續探索這種自私與利他的關係! 它亦和我的DNA觀點有些相似, 早前以為是一些普通的四字成言, 今日才發現背後原來是這麼勁呢 <東非之旅 一文提及了達爾文的天擇論> 
June 22 BROLIO爸爸節飲紅酒, 早前購入的意大利貨, 昨晚小寶自告奮勇讓着要開樽, 當然要給予嘗試機會, 因為力量不足, 技巧亦未成熟, 最後需要貍作最後一拉: 扯開了水松塞, 一股獨特的香氣溢出, 惱人的酒精味落杯後立刻消失, 只剩下陣陣花香, 帶着有微微的煙葉味, 沒有雪茄或胡椒的辣, 酒體不厚不薄, 單寧不強, 我看見一個可愛的小朋友在笑! 貍對小寶說 :「此意大利的花香大不同於法國貨的花香, 沒有法國的優雅, 沒有澳洲的狂傲, 這位小朋友令人很舒服, 沒有半點壓力, 真的好舒服! 」 好學不倦的小寶聽見我這樣說便立刻翻書尋找有關 Brolio 的特性, 不一會她便說 : 「是玫瑰花啊!」 兩人最後解决了一包沙律, 一塊~200g 的澳洲和牛及這瓶 Brolio, 每人一百!
PS> 朋友仔, 下次唔好妄想可以打我地斧頭, 我唔會找數! June 20 十五十六快速測試成功後, 隔田村日前原來已經秘密進行了第二項實驗; 除了鑽石級工程師及重量級肥天使外, 今次更加邀請了神出鬼沒的 iTouch 專家黄老爺坐陣, 三個高科技電子零件的愛好者, 成就了一次又一次的壯舉! 現塲情況交番比實驗室嘅毛毛專題報導 : Skype on iTouch
無啦啦成為了測試對象的新加坡苦主! 顧問會貫徹多年來欠債肉償的原則, 採購部一定會為你挑選一條美味的义燒作為入塲券, 至於會唔會有新一輪嘅測試, 我答你係一定會! 好朋友嘛
  June 18 快速測試在萍果仔及落機喇發佈新玩具後, 顧問得到香港大學工程糸畢業的鑽石朋友毛毛, 及美貌與智慧並重的科技達人肥天使不遺餘力的幫助下, 搶先對近日非常鬧得熱烘烘的高科技電子零件作出一個大膽的 cross over 測試! 有點像國產凌凌漆內的聞西兄, 希望將十種殺人武器集合成超級殺人武器 <<攞你命三千>>
測試目的 : 除了又窮又多嗜好之外, 亦因為不滿痴咗線的服務質素及無理性的獨家捆綁式收費, 更加希望可以節省兩年死約高達八千蚊以上的額外費用, 我們嘗試將一部多功能的遊樂機( iTouch) 變成一部可以打出和打入的基本手提電話, 及提供流動上網服務的電子手帳.
現在我將測試交俾鑽石台詳細報導 iTouch surfing net through E71 大家除了能夠聽到鑽石朋友的旁述之外, 更加要睇清楚肥天使對 multi-touch 的熟練度, 佩服!
PS> 兩大名器, Nokia E71 及 Apple iTouch 均曾經得到 Best of the Test, 但艾瘋始終是因為人氣問題而比較昂貴, 但話音質數我會毫不遲疑 Nokia, 因為真係好, 但介面又真係 Apple 簡單, 所以我决定..........唔决定! June 15 重新定位顧問雖然有點抗拒蘋果仔這個品牌, 但去年首發的 iPhone 3G 卻吸引了我的目光, 令我對這部充滿爭論的高科技電子零件大感好奇, 為什麼它的喜惡偏差度會有這麼大呢! 愛不惜手的一方會高聲替其伸寃, 大量免費外掛程式不斷改良修補 不過, 顧問昨日亦決定將這部新玩具加入了監察名單, 主要原因是將它重新定位, 對我個人而言, iPhone 3GS 會是一部 <支援基本電話工能的掌上微型電腦>> 而並不是一部智能電話. 小寶亦將它定性為 <流動掌上影院加後備電話> 當加上大量的外掛程式, 新玩具將會有一定程度的提昇, 例如各地紅酒資訊, 即日電影放映時間表...... 一句到尾, 總有一款幫到你 BETTER LIFE!
June 12 恨死隔離LTNS....... 又一次成功吹雞飲飽食醉, 顧問於九龍灣工廠區充當大厨, 先來賣飛佛頭盤, 煙三文魚芝士包及凱撒沙律, 高佬的評語為比餐廳更好食, 讚!
 飲酒, 談天之餘, 還要留意牛扒一定要煎成 medium rare, 主席夫人更為我詳細解釋高科技煑食工具的好處, 怎樣將那件A5級和牛發揮出超凡魔力, 大哥都話我煮得準, 入口溶化, 讚讚!
 新朋友還和我們一起玩侍酒師遊戲, 考嗅覺, 包括香蕉、萍果、橙、西柚、菠蘿等水果香氣, 最特別是認識了麝香這種味道, 真係聞一聞特別醒晨, 嗦一嗦舒根活絡! 最後黑森林蛋糕配甜餐酒, 襯哂! 肥龍俾三個讚
 一晚聚會 兩款牛肉 三個小時 四款食物 五味人生 六款美酒 總共七瓶 八人分享
最後為送大家一個恨死隔離的價錢....... 每位 HKD350 (全包宴)  
最後更加要多謝 Doris 為我地不停開酒, 同埋要麻煩事後幫手清潔嘅嬸嬸, 你們辛苦了!
Rose : Marsannay 2006 鮮紅梅味果香, 中等酒體, 爽口兼餘韻細長
Sparkling : Roncier burgundy Blanc de blancs NV 汽泡太細可能因為沒有原瓶作二次發酵, 沒有爆口剌激的勁度, 但如果定性為白酒將會勝人一籌
White : Rheingau Classic Riesling 2007 德國白酒, 一貫風格, 好飲!
Red 1: Chateau Cantemerle 2002 第一次試, 喜出望外的一枝五級莊, 好好飲!
Red 2: Chateau Lascombes 2002 對比起以前飲的拉金, 風格大不同! 不敢亂評
Sweet : Les Carmes de Rieussec 2004 個人覺得酸度未夠,過甜, 令我懷念去年星洲行的 1978 Rieussec, 朋友等我呀! June 10 紅酒投資昨天收到一個電話凍打 cold call, 起初以為被朋友整古, 因為這個凍打專員個名和我朋友相同之外, 近日我亦正在和他攪酒聚, 所以便會和凍打員舌戰, 以下部份對白是經過修飾:-
凍: 早晨! 阿貍, 我叫 Andrew, 係xx紅酒投資發展有限公司
貍: 有乜事呢!
凍: 無呀! 早前阿貍你參加咗我地有關紅酒嘅問卷調查, 今次我想介紹你參加我地嘅紅酒投資計劃......
貍: 咁即係基金啦! (OIC) 凍: 唔係! 我地都有D客人會趁個價平入定貨, 留番遲D飲
貍: 咁有無一枝賣呢? (真係想試飲, 所以我問)
凍: 我地係一箱為一個單位嘅!
貍: 五大定其它呢? (同上)
凍: 主要五大同酒花都有, 重有 Robert Parker 98分 嘅 xxx
貍: RP rating 遲D可能會超過一百分, 因為08年咁差都俾97 ,98, 坤大陸佬咩! (我唔知佢噏乜, 但估計係有價無市果D高檔貨)
凍: 就係因為咁, 我先會向你推介呢個機會
貍: 我惗唔駛了, 拜拜 (我掛線後回想起, 如果我聽佢繼續講, 我咪同大陸佬無不別?)
凍: 不如留低..........
 June 09 iphone 3Gs電玩人及蘋果迷熱烈關注的盛事, 一年一度的WWDC昨晚在美國總壇舉行, 不得不配服外國人的品德, 保密功夫真的一流, 沒有半點預告, 只有各式各樣的推測! 今年又要再一次大聲講 "蘋果好嘢" 小寶期待的新玩具終於揭曉了, iphone 3Gs 作業系統除了一兩個新玩意及優化細節之外, 亦聲稱更加節能環保 (其實如果延長 product life cycle 會更加環保, 但......) 新機捆綁價格不變但容量加一倍, 16G - US$199, 32G -US$299, 舊貨 iphone3G 半價賣 US$99- 問你死未!
 PS> 六月十九日上市
June 08 魔王降臨顧問打機打上腦, 非也! 而是昨天參加了朋友為其兒子開的一個生日派對, 看見這班6至8歲的小孩, 我會更加確認一個我懂性以後作出的重要決擇. 我不得不接受自己這個70年代的產品和千禧新生代已經完全不能夠 COMPATIBLE了! 手抱的嬰孩或是未正式上學的還可以令我額外給予多點可愛的分數, 但從小學有群體活動開始, 頑劣及失控像傳染病般快速擴散, 像陳志雲配音不斷重覆強調 「越行越快, 越行越快」令死亡越來越近, 後悔已經太遲! 家長帶領著小孩進入了這場無止境的攀比旋渦裡, 父母精神分裂式的教導方法, 加上全職工作佔據大量時間, 造就了一個又一個被扭曲了的榜樣, 簡直令我不懂何為教養子女!
<<地球很美有賴你>> 一套有心的作品, 九龍灣MEGA BOX及旺角朗豪坊, 票價二十元 PS> 局外人始終是局外人, 非吸毒者真的不能夠明白何謂仙境! 望好朋友見諒之餘, 我亦需要多找一班志同道合的最佳損友, 過埋下半世! June 03 去唔到維園都會在家中點爉燭收到朋友的電郵: <<歡迎任何朋友轉登至各網上論壇／討論區，Facebook，Email, 或任何你認為合適的地方, 只需加番個(FWD)即可．．．>>
今年可能有唔少新朋友參加64晚會，亦對晚會有好多疑問，結合過十年的經驗，有以下少少貼士想提下大家
1) 根據王丹的呼籲，希望大家著白色衫到場
2) 如果可以的話，你愈帶得野少，行動會愈方便 3) 記得帶水，因為通常都幾熱同幾焗 4) 估計會落雨，可以著便利雨衣．方便過帶遮．亦可能帶定垃圾膠袋擺地下座 5) 如果唔座得地下，可以自己帶張行山椅．座係個區後面，儘量唔好阻人．而維園內的看台係會無晒的 6) 避開座喇叭下面，否則我估你聾足成日 7) 小心火種，年年都會有朋友發生燒著張隔火紙的意外 8) 年年都會有人倒瀉臘落地下，而由於臘係極難清理既．所以, 請小心盡量唔好倒瀉啦．散場時會有好心人帶剷去幫手剷臘，大家亦可以幫手．而我的做法會預備一張紙或者罐，隔一段時間倒走多餘的臘 9) 完場後請清理自己的垃圾，亦幫手執其他人的垃圾 10) 七點半左右就好去到，行下Booth，行下展版，了解下六四事件 11) 所有Booth同捐款車仔都係無錢找，所以唱定廿蚊紙． 12) 各大院校都會出特刊，睇番咁多年，我覺得中大個本係最好睇，而港大同樹仁都唔錯．通常會有學生派，不過亦可以去Booth拎．雖然係免費取閱，不過都應該捐番少少錢啦．不過數量有限，太遲去到你有權派晒的．今年學聯會聯同幾間大學出特刊，約有一萬本． 13)係近中央圖書館一帶，有時會有幾個阿叔鬧鬼參加者．唔需要同佢地嘈，笑笑口走開就是了． 14)事前事後唔好諗住係附近食野，幾難搵位． 15)主台係天后個一邊，不過Booth係銅鑼灣個一邊． 16)完場後如果係搭巴士（向北角方向），維園係有站的，不過好難上到車，Sogo都係死，我會行去消防局先搭． 17)晚會最短試過45分鐘就完（因為天氣超差），通常一粒鐘鬆少少，近年最長都係個半鐘多少少．不過如果你唔急，可以留係度唱下歌，幫手清下場，等人少ｄ先慢慢走． 18)其實現場有大量糾察，如有任何問題，可請求他們幫助． 19)這是一個紀念晚會，不是舞會，更不是派對．以前見過年青人去到好似燒野食咁開心，希望大家保持莊重． 20)大家亦唔係睇緊勁歌金曲，如果有傳媒影你相，亦唔需要太過介意．警方及懷疑中方人士會作現場錄影，亦不用阻他們，他們都是執行工作． 21)臘燭免費派發，不用自備．當然可以的話，亦請捐款． 22) 現場設有烈士紀念碑及國殤之柱，會前會後有部份參加者會自行到前默哀或獻花．只要不影響活動，亦是歡迎的．鮮花則要自備． 23) 有部份參加者會臂纏黑紗，不過大會不會供應． 24) 整晚活動內容大約包括：唱民運歌曲，讀宣言，喊口號，睇下一些介紹六四的表現／影帶，同海外民運人士訪問，默哀，大會代表獻花等等．相關資料可參考場刊，由工作人員在入口處派發 招乎朋友朋友仔來探我, 但可能係來探我隻 PS3 <無雙Z>
主角是一枝當年曾獲得雙金獎的智利 Syrah Rose, Montes Cherub 2007 肥仔天使. 去年未爆煲時酒展賣百鬆, 非常好喝, 香味自然, 顏色 lovely, 配襯是晚的餐單簡直 perfet match, 我飲一啖讚一聲, 一定要推介比大家的夏天飲品!
PS> 上星期見屈記做特價~$80, 唔知重有無貨呢! June 02 答案揭曉顧問今早發現個 page view statistic 又一次因為紅酒討論而急升了很多, 既然有CD ROM的朋友亦有留言參予遊戲的朋友, 再加上有多過一個答案出現, 今日應該要公佈結果 第一枝意大利 古典基安蒂 在屈銀紙賣 $95-
第二枝法國 拉朗德日波美侯 在吉吉島七折價賣 $128-
第三枝法國 梅多克 的偉大年份在 360 賣 $198-
第四枝法國 波美侯 的車房酒最貴, 在360 賣 $216-
第五枝紐西蘭 馬爾堡 的 table wine 最平, 在360 賣 $71 所以正確答案由最平順序到最貴是 5->1->2->3->4! 多謝所有參予的朋友及恭喜猜中答案的朋友, 遠方的朋友, 等我十月飛來探你時才請你食餐勁嘅!
 June 01 三日五枝酒有平有貴, 有大有細, 如果你可以順序猜出由最平到最貴的順序, 我請你食飯 (供應期有限), 由左至右: 左一意大利紅, 右一紐西蘭白, 中間三枝法國紅, 祝君好!
|
, 但另一陣型卻繼續向其硬體不足的地方使出致命重擊
iPhone 作業系統需然經過了兩年的修修補補, 加上逃獄版的不斷更新, 但如果仍然將它和一部普通智能電話比較的話, 它必定是一部又跛又癈的「型人必備」
為了更加自由奔放, 又唔想騷擾其他人, 我喜歡在家裡準備大小便飯, 昨晚餐單如下: 
|
|
%3a+June%2c+2009&referrer=){kind=small}
